Михаил Ходорковский менән Платон Лебедевтың иркенән мәхрүм итеү ваҡыты тағы ла 20 йылға оҙайтыласаҡ.
Ходорковскийҙың адвокаты Юрий Шмид белдереүенсә, элекке олигархтарға яңы енәйәт эштәре асылған. Лебедев менән Ходорковский 450 млрд һум һәм 7,5 млрд доллар аҡсаны легалләштереүҙә ғәйепләнә. Уларҙы шулай уҡ дәүләт акцияларын урлауҙа, нефтте үҙләштереүҙә лә ғәйепләйҙәр. Адвокат әйтеүенсә, ғәйепләнеүселәргә 22,5 йыл төрмәлә ултырыу янай. 2005 йылдың майында олигархтар туғыҙар йылға иркенән мәхрүм ителгәйне.
