Ҡытай кешеhе Мәскәүҙән командировканан ҡайта. Унан:
– Шунан, Мәскәүҙә нисек? – тип hорайҙар икән.
– Унда яҡшы. Халыҡ шул тиклем аҙ. Метролары ярым буш.

* * *
– Ханым, hеҙҙең ирегеҙ үҙенә хыянат итеүегеҙҙе беләме?
– Юҡ. Ә hеҙҙеке?

* * *
Ике ханым ирҙәренең тоғролоғо хаҡында hөйләшә.
– Ул яҡтан ҡурҡмайым, – ти береhе, – мине ирем аҡылдан яҙып ярата.
– Ә hин уйламағанда ул аҡылына килhә? – ти икенсеhе.

* * *
Телефон шылтырай:
– Алло, алло, был hалым инспекцияhымы?
– Эйе.
Трубканы ташлайҙар. Бер аҙҙан тағы шылтыраталар:
– Алло, был hалым инспекцияhымы?
– Эйе.
Тағы трубканы ырғыталар. Ярты сәғәттәй ваҡыт үткәс, тағы шылтыраталар:
– Был hалым инспекцияhымы?
– Эйе, тип торам бит инде, нимә кәрәк, ниңә трубканы ташлайhығыҙ? – тип асыуланып ҡысҡыра инспекция хеҙмәткәре.
– Аңламайым, бер нәмә лә аңламайым.
– Нимә аңламайhығыҙ?
– Һеҙҙе бит бер сәғәт элек үк шартлатырға тейештәр ине лә инде...

* * *
Айыу кафеға инә, ултыра, уның эргәhенә берәү ҙә килмәй. Көтә-көтә – юҡ. Йәне көйөп, ҡысҡырайым ғына тигәндә ишектән Ҡуян килеп инә. Бер юлы өс-дүрт официант уның янына йүгерә. Береhе өҫтәлгә аҙыҡ килтерә, икенсеhе өҫтөн hалдыра, өсөнсөhө Ҡуяндың ҡолағына ярамhаҡланып ниҙер hөйләй. Быны күреп, Айыуҙың тағы ла нығыраҡ асыуы ҡабара hәм ул, тауышын күтәреп:
– Директорҙы саҡырығыҙ! – тип ҡысҡыра.
Директор килә. Айыу:
– Быны нисек аңларға? Мин ярты сәғәттән ашыу көтөп ултырам, ә эргәмә берәү ҙә килеп ураманы. Ә Ҡуян яңы килде, уға ашарға килтерҙеләр ҙә, – ти.
– Һеҙҙең фамилияғыҙ кем hуң? – ти директор.
– Тайыштабанов.
– Ә Ҡуяндыҡын беләhеңме?
– Юҡ, – ти айыу, hаман ҡыҙып.
– Ул – Косыгин.