– Әсәй, урамға сығайым әле?
– Бынау йыртыҡ колготка менәнме?
– Юҡ, өсөнсө ҡаттағы Гөлиә менән.

* * *
Ике ир hөйләшә:
– Минең олатайым үҙенең ниндәй көндә үләсәген алдан белгән.
– Әллә ул күрәҙәсе инеме?
– Юҡ, уға был хаҡта судья әйткән.

* * *
Бала табыу йортоноң тәҙрә төбөндә:
– Әҡлимә, әйт инде, кем?
– Беҙҙекеләр. 5:4.

* * *
– Һеҙ миңә бер аҙ изгелек күрhәтә алмаҫhығыҙмы икән?
– Ниндәй?
– Бер 500 доллар.

* * *
– Һылыуҡай, hеҙ бейейhегеҙме?
– Юҡ.
– Бик яҡшы – юҡҡа ваҡыт әрәм ителмәҫ.

* * *
«Яңы башҡорт»тоң фатиры. Бүлмә уртаhында аквариум ултыра, ә унда бегемот йөҙә, hәм был күренеш бер ҙә күҙгә ташланмай...

* * *
Редакцияла телефон шылтырай:
– Һеҙҙең баҫмағыҙҙа, инглиз көйәрмәндәре Мәскәүҙә 35 миллион долларға яҡын аҡса ҡалдырып киткән, тип уҡығайным. Ҡайhы тирәләрәк икәнен әйтә алмаҫhығыҙмы?

* * *
– Атай, мин гонаh ҡылдым...
– Йә, Хоҙай, шөкөр, 34 йәштә. – Әсәhе, ишетәhеңме, беҙҙең улыбыҙ ҙа аҡылға ултырған.

* * *
– Һеҙҙе танырлыҡ та түгел!
– Әллә бик матур күренәмме?
– Эш унда түгел. Һеҙ кем hуң?

* * *
– Интеллектуалдар интеллигенттарҙан нимәhе менән айырыла?
– Интеллектуалдар шундай hүҙҙәр менән hөйләшә, ул hүҙҙәрҙе интеллигенттарға хатта уйлауы ла уңайhыҙ.

* * *
– Һылыуҡай, hеҙҙе киләhе бейеүгә саҡырманылармы әле?
– Юҡ, әлегә юҡ.
– Улайhа, мин анауы сибәр ҡыҙ менән бейегәнсе, hыралы көрөшкәмде тотоп тороғоҙсо!

* * *
– Илнур, hин тағы ла контроль эште Зифанан күсергәнhең бит.
– Ә hеҙ ҡайҙан белдегеҙ?
– Һуңғы hорауға ул: «Мин белмәйем», – тип дөрөҫөн яҙған. Һәм hин: «Мин дә», – тигәнhең...