Республика йортонда Шәйехзада Бабич исемендәге республика дәүләт
йәштәр премияһы лауреаттары тәбрикләнде
Республика йортонда үткән 2008 йыл өсөн Ш. Бабич исемендәге республика дәүләт йәштәр премияһын тапшырыу тантанаһына йәш таланттарҙы ҡотларға БР Хөкүмәте Премьер-министры Раил Сарбаев, уның урынбаҫары, мәҙәниәт һәм милли сәйәсәт министры Илдус Илешев, йәштәр сәйәсәте, спорт һәм туризм министры Александр Никерин килде.

26 июндә Башҡортостан Президенты Мортаза Рәхимов Волга буйы федераль округының Ульяновскиҙа үткән Советы ултырышында ҡатнашты. Рәсәй Президентының Волга буйы федераль округындағы тулы хоҡуҡлы вәкиле Григорий Рапота рәйеслегендә үткән Совет ултырышында Волга буйы төбәктәрендә төҙөлөш тармағындағы хәл һәм көрсөк шарттарында уға булышлыҡ итеү буйынса саралар тикшерелде.

БР Хөкүмәте Премьер-министры урынбаҫары, мәҙәниәт һәм милли сәйәсәт министры Илдус Илешев етәкселегендәге Башҡортостан делегацияһы Петербургта ғәҙәттәгесә июндең һуңғы йәкшәмбеһендә үткәрелгән һабантуйҙа ҡатнашты. Төньяҡ баш ҡалала уҙғарылған сарала дәүләт һәм муниципаль власть органдары вәкилдәре, Башҡорт дәүләт һәм Сибай дәүләт филармониялары, Стәрлетамаҡ ҡалаһы менән Бүздәк районының ижади коллективтары республикабыҙ исеменән сығыш яһаны.
Стәрлетамаҡтар менән бүздәктәр майҙан уртаһында тирмә ҡорҙо.

Республикабыҙҙың дала райондарынан Ейәнсура районына табан юлланған ҡунаҡтарҙың автобустары тәҙрәләренән тирә-яҡҡа иҫе китеп ҡарап барғанын күҙ алдына килтереүе ҡыйын түгел: иркенлеккә өйрәнгән кешенең күҙҙәре юлдың ике яғынан оҙатып барған тауҙар теҙмәһенә килеп терәлеүе ниндәй хистәр уятҡандыр, әммә мин дала яҡтарында үҙемде яҡланмаған, юғалып ҡалған кеүек тоям.

Башҡортостан Республикаһы Президенты Мортаза Рәхимов исеменә Францияның «Грегуар Бессон» ауыл хужалығы техникаһы етештереү компанияһы президенты Патрик Бессондан хат килде.

Балаҡатай районының Ямаш ауылында IХ Төбәк-ара рус йыры һәм таҡмаҡтары байрамы ҙур гала-концерт менән тамамланды.
Рус йырҙары һәм таҡмаҡтары конкурсында ҡатнашыусылар ете гран-при алып ҡайтты. Был йыр ярышында ҡатнашыусыларҙы һәм тамашасыларҙы Башҡортостан Республикаһы Президенты тәбрикләне.

Халыҡты эш менән тәьмин итеү үҙәгендә төҙөлөш тармағы предприятиелары һәм белгестәре ҡатнашлығында үткән вакансиялар йәрминкәһе һөҙөмтәләренән күренеүенсә, иҡтисади көрсөккә һәм төҙөлөш күләме кәмеүгә ҡарамаҫтан, төҙөлөш ойошмалары юғары квалификациялы хеҙмәтсәндәргә мохтаж.