Һуңғы йылдарҙа халыҡ күпләп үҙ кәсебенә, үҙенә оҡшаған һәм ҡулынан килгән эшкә тотона. Был – заман талабы. Сөнки хужалыҡтарҙы эреләтеү, ҡайһы бер урында бүлексәләрҙе бөтөрөү байтаҡ кешене эшенән китергә мәжбүр итте. Хәҙер ҡайҙа ғына барма, бихисап ир-ат ситтә эшләп аҡса таба. Ә бит, уйлап ҡараһаң, шул уҡ һумдарҙы үҙ төйәгеңдә лә эшләргә мөмкин. Бәләкәй эшҡыуарлыҡҡа дәүләт ярҙамы ла тос ҡына, буғай. Тәүәккәлләп ниәт итергә генә кәрәк.

Словакия уйынсылары бүләккә бирелгән аҡсаның бер өлөшөн мәрхәмәтлелек күрһәтеүгә йүнәлтте
Шулай итеп, сираттағы Башҡортостан Президенты кубогы өсөн турнир, үҙенең тарихында тағы бер сағыу битен ябып, тамамланды. Һуңғы осрашыуҙа кубокты яулаусы Словакияның НК – 36 командаһы «Лада» хоккейсылары менән уйнаһа, майҙан хужалары «Нефтехимик»ҡа ҡаршы сыҡты. Тәүгеһе, үҙенең еңеүсе икәнен тағы бер тапҡыр иҫбатлап, Тольятти уйынсыларын 1:0 иҫәбенә отоп, юғары күрһәткескә иреште.

Әлеге ваҡытта Үҙәк баҙарҙа иң арзан помидорҙарҙы «Алексе­евский» совхозының фирма магазиндарында һаталар. Һәр ваҡыттағыса уларҙа оҙон сират теҙелә. Урамдарҙа үҙҙәре үҫтергән йәшелсәләрҙе һатҡан әбей-бабайҙар ҙа хаҡты бик төшөрөргә ашыҡмай.
Түбәндәге таблицала хаҡтар 28 авгусҡа ҡарата бер килограмға бирелгән.

БР Президенты М. Рә­химов РФ Кинематог­рафистар союзы идараһы рәйесе Никита Михалковҡа, уның атаһы, күренекле рус яҙыусыһы һәм шағиры, Социалистик Хеҙмәт Геройы, Ленин һәм Дәүләт премиялары лауреаты, Рәсәй Мәғариф академияһы академигы Сергей Владимирович Михалковтың вафат булыуы сәбәпле, ҡайғыһын уртаҡлашып, телеграмма ебәрҙе.

Башҡортостан Президенты Мортаза Рәхимов кесе йомала эш сәфәре менән республиканың төньяғында – Ҡалтасы, Тәтешле, Балтас, Яңауыл һәм Борай райондарында булды.
Сәфәрҙең маҡсаты – республиканың төньяғындағы социаль-иҡтисади хәл менән танышыу. Бынан тыш, БР Президенты ҡайһы бер белем биреү объекттарын асыу тантанаһында ҡатнашты.

Быйыл Башҡорт дәүләт университетына 100 йыл тула. Бер быуатлыҡ юбилей – хатта Европа үлсәмдәре буйынса ла вуз өсөн ҙур дата. Шуға күрә РФ Хөкүмәте Рәйесе Владимир Путиндың бойороғо менән юбилейҙың дөйөм дәүләт ваҡиғалары рәтенә индерелеүе ғәжәп түгел.
Шишәмбелә Өфөлә БР Хөкүмәте Премьер-министры Раил Сарбаев етәкселегендә ойоштороу комитетының ултырышы булды. Сараға әҙерлек һәм уны үткәреү барышында беҙ йәмәғәтселеккә, айырыуса йәштәргә, юғары белем биреү системаһының ойошторолоу тарихын, йолаларын, ҡаҙаныштарын һәм үҫеш перспективаларын күрһәтеү мөмкинлегенә эйәбеҙ, тип билдәләне ултырышты асып, Раил Сарбаев.

Ҡыҙғанысҡа ҡаршы, янғындар беҙҙең тормошта һирәк күренеш түгел. Ут сығыуҙың сәбәбе төрлөсә. Айырыуса балаларҙың шырпы, башҡа тиҙ тоҡаныусан әйберҙәр менән уйнарға яратыуына туҡталғы килә.
1 августа Өфөнөң Королевская урамында булған ваҡиғаны ғына алайыҡ. 7 – 8 йәшлек ике малай урамдан ҡабыҙғыс табып ала һәм уны уйнатырға тотона. Был иһә һарай башына менеп, ҡағыҙға ут төртөүҙән сыҡҡан янғын менән тамамлана.