«Көрсөккә ҡаршы программа: тағы ла ярты йыл эш хаҡы түләмәҫкә, аҙаҡ халыҡтың ҡайҙан аҡса алыуын күҙәтергә һәм беҙгә лә шунда барып, күп кенә эләктерергә».

* * *
Бәлә яңғыҙы йөрөмәй, тиеүҙәре дөрөҫ инде. Цемент заводы шартлағандан һуң, көслө ямғырҙар ҡойоп үтте һәм хәҙер предприятиеның эше бөтөнләйгә «үлде».

* * *
Кешеләрҙең тормошонда ҡайһы саҡ шундай нәмәләр була, шул ваҡытта уларға йә ир, йә ҡатын булып ҡыланырға ғына ҡала.

* * *
Күп ваҡыт ҡатын-ҡыҙ үҙенә ир-егет таба алмай. Сөнки уға иҫерек ирҙәр оҡшамай. Ә айыҡтары уны оҡшатмай.

* * *
– Ғүмерҙә 18 йәш бер генә була.
– Ә 81 тағы ла һирәгерәк.

* * *
Ире көҙгө алдында ҡырына һәм ҡатынына:
– Ишетәһеңме, минең ҡырынғысым тупаҫланған, яҡшы ҡырмайсы, – ти.
– Бәй, бәй, ә линолеумды яҡшы киҫте лә һуң, – ти ҡатыны.

* * *
Теш табибы бормашинаһын көйләй-көйләй:
– Ирек, иҫеңдәме, мәктәптә уҡығанда һин минең арттағы партала ултыра инең һәм һәр ваҡыт мине булавка менән сәнсә торғайның? – ти.

* * *
– Кисә кис ресторанда ике тәҡдим яһанылар: береһе – табип, икенсеһе – банкир.
– Тәк-тәк. Хәҙер һин йә ғүмерҙе, йә аҡса янсығын һайларға тейеш булып сығаһың түгелме?

* * *
– Эй, һылыуҡай, ниңә шул тиклем күп тартаһың?
– Үҙемдәге атты үлтерергә теләйем.