Йыл башында «Башҡортостан» дәүләт телерадиокомпанияһының «Сәләм» программаһы «Киске Өфө» гәзите менән берлектә «Башҡортостандың ете мөжизәһе» тигән акция башлағайны.
Конкурстың икенсе этабында иң күп тауыш йыйған 15 объект һайлап алынды һәм шулар араһынан 7-не һайлау өсөн тауыш биреү иғлан ителде. Әле 7 сентябрҙән алып БСТ каналында акцияның икенсе этабына сыҡҡан объекттар тураһында фильмдар күрһәтелә башланы. Фильмдар көн дә эфирға сыға, уларҙы ҡарап, аныҡ фекергә килергә һәм 15 мөғжизә араһынан 7-һе өсөн тауыш бирергә мөмкин.
Тауыш биреү сентябрь аҙағына тиклем дауам итә. Республика көнө алдынан тантаналы рәүештә Башҡортостандың ете мөғжизәһе иғлан ителәсәк.
Хөрмәтле дуҫтар! Ошо исемлектән республикабыҙҙың йөҙөн билдәләгән, уның символы булырҙай ете мөғжизәне бергәләп һайлайыҡ!

Тауыш биреү өсөн түбәндәге адрес буйынса хаттар яҙығыҙ: Өфө ҡалаһы, Ғафури урамы, 9, “Башҡортостан” дәүләт телерадиокомпанияһының “Сәләм” программаһы.

Телефондар: 8 (347) 251-73-91, 251-90-44, 253-25-44, 252-39-99. www.salyam-bst.ru, www.kiske ufa.ru сайты аша ла тауыш бирергә мөмкин. Шулай уҡ кеҫә телефонынан 3500 номерына БСТ һүҙен яҙырға һәм үрҙәге исемлектән үҙегеҙгә оҡшаған объекттың һанын күрһәтергә һәм смс-тауыш ебәрергә лә була.