Белгән белгәнен эшләр, белмәгән беләген тешләр.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • Баш йортомдағы телде башҡорт аңлаймы?
  • Әсә абруйы
  • МОТОРҘЫ НИСЕК ҺЫУЫТЫРҒА?
  • Аҡ йыланды осратһаң – бәхеткә, имеш
  • [b]Ҡымыҙсы әбейем[/b]
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • «Йәшлек»те туғандай яҡын күрәм Яңылыҡтар » Хаттар яҙҙым

    «Йәшлек»те туғандай яҡын  күрәм«Йәшлек» менән дуҫлығыма ике тиҫтә йылдан ашып китте. Был дуҫлыҡҡа хыянат итеү тураһында һүҙ ҙә юҡ. Киреһенсә, хәҙер инде ул туғанлыҡҡа әйләнеп бара. «Йәшлек» миңә ни өсөн яҡын һуң?
    Беренсенән, уҡытыусы булараҡ, дәрескә әҙерләнгәндә гәзиттән бөтә мәғлүмәттәр­ҙе – фәһемле мәҡәләләрҙе, актуаль яңылыҡтарҙы, файҙалы кәңәштәрҙе ҡулланам.
    Икенсенән, әҙәбиәт һөйөүсе, ижад итеүгә ынтылған кеше булараҡ, «Йәшлек» миңә ҡанат ҡуйҙы. Мәҡәләләрем, хикәйәләрем унда донъя күрҙе. Рәшит Солтангәрәев исемендәге республика хикәйәләр конкурсында еңеү яулауым да илһамландырҙы.
    Өсөнсөнән, гәзит һәр ваҡыт ҡыҙыҡлы, мауыҡтырғыс бәйгеләр ойоштороп тора. Әле бына «Таҡмаҡтар» конкурсы башланыуға ихлас ҡыуандым.
    Ҡыҫҡаһы, «Йәшлек» – ысын мәғәнәһендә халыҡ гәзите.

    авторы: admin | 15 декабря 2009 | Фекерҙәр (0) | Тотош уҡырға
    Киләһе йылда нисек ял итәсәкбеҙ? Яңылыҡтар » Иғтибар

    2010 Яңы йыл байрамдарында, ғәҙәттәгесә, 10 көн буйына ял итәсәкбеҙ. 11 ғинуар тәүге эш көнө иҫәпләнә, тип хәбәр итә Хеҙмәт һәм мәшғүллек буйынса федераль хеҙмәт етәксеһе урынбаҫары Иван Шкловец. Бындай ҡарар ил Хөкүмәтенең 1 декабргә тиклем Яңы йыл каникулы тураһында бер ниндәй ҙә ҡарар ҡабул итмәүенән сығып эшләнгән.
    РФ Хөкүмәтенән белдереүҙәренсә, киләһе йылда бер кем дә Яңы йыл байрамы ялдарына үҙгәреш индерергә йыйынмаған. 2010 йылдың 1 – 5 ғинуары, ғәҙәттәгесә, ял көндәре һанала. 2 һәм 3 ғинуар­ҙың шәмбе һәм йәкшәмбе көндәренә тура килеүен иҫәптә тотоп, шәмбенән ял көнө – 6 ғинуарға, ә 3 ғинуарға тура килгән байрам көнө 8 ғинуарға күсерелә. 7 ғинуар илебеҙҙә Раштыуа байрамы булараҡ билдәләнә. Ә 9 һәм 10 ғинуар календарь буйынса ял көндәренә тура килә. 2010 йылда шулай уҡ 27 февраль, шәмбе көнөнә тура килгән ял көнө, 22 февралгә, дүшәмбегә, ә 13 ноябрь йомаға, 5 ноябргә, күсерелә. Шулай итеп, ил халҡы февралдә һәм ноябрҙә дүртәр көн дауамында ял итәсәк.

    авторы: admin | 15 декабря 2009 | Фекерҙәр (0) | Тотош уҡырға
    Ҡаҙ ҡанаты ҡаурый-ҡаурый… Башҡортостан, Милли проекттар

    Ҡаҙ ҡанаты ҡаурый-ҡаурый…Ҡаҙыр ауылы – күркәм тәбиғәт ҡуйынында, тауҙарға һыйынып ултырған ауылдарҙың береһе. Уҙған йомала унда электән һаҡланып килгән йолаларыбыҙҙың береһе – ҡаҙ өмәһе үтте. Ғөмүмән, был ауылда ҡаҙы булмаған ихата юҡтыр тиһәк, һис тә яңылыш булмаҫ. Күрше Һеңрән ауылы һылыуы Лилиә бәләкәй саҡтан уҡ әсәһе Нәжүҙә апайҙан ҡаҙ үстереү серҙәренә өйрәнә. 1991 йылда Ҡаҙыр ауылы егете Заһит менән ғаилә ҡорғас, үҙе лә йыл һайын күпләп ҡаҙ аҫрай башлай. 16 йыл дауамында инкубатор ярҙамында 35 – 40 бәпкә сығара. Тырыштарға уңыш юлдаш, тигән әйтем нәҡ Зариповтарға ҡарап әйтелгән. Быйыл уңған ғаиләгә бәхет йылмая – уларға ҡаҙ үрсетеү өсөн район программаһы буйынса 11 мең 250 һум субсидия бүленә. Улар был аҡсаға 100 бәпкә һатып ала.
    – Әлбиттә, себештәрҙе үстергәнсе ҙур тырышлыҡ һалырға кәрәк. Шуныһы ҡыуаныслы – минең ышаныслы ярҙамсыларым бар, – ти Лилиә.

    авторы: admin | 15 декабря 2009 | Фекерҙәр (0) | Тотош уҡырға
    Башҡортостан яңылыҡтары Яңылыҡтар, Башҡортостан

    БР Президенты Мортаза Рәхимов Республика йортонда Рәсәй Дәүләт Думаһының Бюджет һәм һалымдар буйынса комитеты рәйесе, «Берҙәм Рәсәй» партияһының Үҙәк контроль-ревизия комиссияһы ағзаһы Галина Карелова менән осрашты.
    Эшлекле осрашыуҙа «Берҙәм Рәсәй» партияһының Башҡортостан төбәк бүлексәһенең эше, партия ҡоролошо проблемаларына ҡағылышлы мәсьәләләр ҡаралды.
    Галина Карелова социаль мәсьәләләрҙе хәл итеүҙә һәм һаулыҡ һаҡлауҙы үҫтереүҙә республикабыҙҙың тәжрибәһен юғары баһаланы, ҡатмарлы иҡтисади хәлгә ҡарамаҫтан, Башҡортостанда бөтә социаль йөкләмәләрҙең тулы күләмдә үтәлеүен һыҙыҡ өҫтөнә алды.

    авторы: admin | 15 декабря 2009 | Фекерҙәр (0) | Тотош уҡырға
    Эшҡыуарлыҡ үҫеше – иҡтисадҡа ярҙам Иҡтисад

    Башҡортостан Республикаһы Хөкүмәтендәге киңәйтелгән ултырышта эшҡыуарлыҡ мәсьәләләре, 2009 йылда бүленгән финанс ресурс­тарын файҙаланыу буйынса һөйләшеү булды.
    Шәхси эшҡыуарлыҡ быйыл бик ҙур суммала ярҙам алды – барлығы 1,8 миллиард һум самаһы, шул иҫәптән республика бюджетынан – 500 млн, федераль ҡаҙнанан 573 млн һум. Бынан тыш, Башҡортостан эшҡыуарлыҡ субъекттарын кредитлауҙы әүҙемләштереү өсөн 800 миллион һум күләмендә лимит алды.
    Ил төбәктәренә финанс ярҙамы конкурс буйынса бүленде. Башҡортостан өлөшөнә төшкән лимит 2009 йылда иң күләмлеһе. Артабан Татарстан (623 миллион һум) килә. Республиканың да бәләкәй һәм урта эшҡыуарлыҡты үҫтереү программаһының төп йүнәлеше – бизнесҡа финанс ярҙамы.

    авторы: admin | 15 декабря 2009 | Фекерҙәр (0) | Тотош уҡырға
    Яңылыҡтар Яңылыҡтар

    РФ эске эштәр министры урынбаҫары Аркадий Еделев Гудермес ҡалаһында Чечен Республикаһы Президенты Рамзан Ҡадировҡа милиция генерал-майоры погондарын тапшырҙы.
    Еделев РФ эске эштәр министры Рәшит Нурғәлиевтың күрһәтмәһен үтәүен белдерҙе. Ул Рамзан Ҡадировҡа Нурғәлиевтың бүләген – «Эске эштәр министрлығы: кисә, бөгөн, иртәгә» китабын тапшырҙы. Погондарҙы һәм бүләкте тапшырып, министр урынбаҫары, Чечня Президентының бөтә Төньяҡ Кавказ төбәгендә законлылыҡ һәм тәртип урынлаштырыуҙа, республиканың тыныс тормошон тәьмин итеүҙә өлөшө баһалап бөткөһөҙ, тип билдәләне.

    авторы: admin | 15 декабря 2009 | Фекерҙәр (0) | Тотош уҡырға
    Изге күңелле кешеләр бар икән! Башҡортостан

    Изге күңелле кешеләр бар икән!«Бала йөрәгенә ҡағыл» хәйриә акцияһы тамамланды. Милләт сәләмәтлеге лигаһы һәм А. Бакулев исемендәге Йөрәк һәм йөрәк-ҡан тамырҙары хирургияһы ғилми үҙәге ойошторған «Бала йөрәгенә ҡағыл» Бөтә Рәсәй хәйриә акцияһы барышында тыумыштан йөрәк өйәнәкле балаларҙы дауалауға 10 миллион һумдан ашыу аҡса йыйылды. Бағыусылар аҡса күсереүҙе һаман дауам итә.
    «Бала йөрәгенә ҡағыл» Бөтә Рәсәй хәйриә акцияһы илебеҙҙә 1999 йылдан үткәрелә. Был проекттың маҡсаты – йәмәғәтселекте тыумыштан килгән йөрәк өйәнәген тулыһынса дауалау мөмкинлеге менән таныштырыу һәм ошондай диагнозлы балаларҙы дауалауға адреслы финанс ярҙамы күрһәтеүгә йәлеп итеү.
    Акция сиктәрендә Өфөлә медиктар ике аҙна буйы балаларҙың һаулыҡ торошон тикшерҙе, телевизион күперҙәр, телевизион һәм радиотапшырыуҙар, ауырыу балалар өсөн концерттар һәм спорт саралары ойошторолдо.

    авторы: admin | 15 декабря 2009 | Фекерҙәр (0) | Тотош уҡырға
    Ысын ҡиммәттәрҙе тергеҙеү мөһим Яңылыҡтар, Сәйәсәт

    Ысын ҡиммәттәрҙе тергеҙеү мөһимӨфө ҡалаһының «Аҡбуҙат» ипподромы манежында илебеҙҙең төрлө төбәктәренән журналистарҙы йыйған был форум медиабаҙар профессионалдары араһында диалогты көйләргә, Ватан журналистикаһының кимәлен күтәрергә, автор­ҙарҙың иғтибарын заманыбыҙҙың көнүҙәк проблемаларына йүнәлтергә тейеш.
    «МедиаСоюз» Бөтә Рәсәй йәмәғәт ойошмаһы, РФ Йәмәғәт палатаһы, Матбуғат һәм коммуникациялар буйынса федераль агентлыҡ, Башҡортостан Хө­күмәте, БР Хөкүмәте ҡарамағындағы Матбуғат, нәшриәт һәм полиграфия эштәре буйынса идаралыҡ ярҙамында ойошторолған «Ҡиммәттәр системаһы» фестивален асыу тантанаһында БР Президентының дәүләт советнигы Сергей Лаврентьев, БР Хөкүмәте Премьер-министры урынбаҫары, мәҙәниәт һәм милли сәйәсәт министры Илдус Илешев, БР Хөкүмәте ҡарамағындағы Мат­буғат, нәшриәт һәм полиграфия эштәре буйынса идаралыҡ етәксеһе Эдуард Юлдашев, РФ Йәмәғәт палатаһының Мәҙәни һәм рухи мираҫты һаҡлау буйынса комиссияһы рәйесе урынбаҫары, «МедиаСоюз» ойошмаһының вице-президенты Елена Зе­линская, «Эксперт» журналының баш мөхәррире, «МедиаСоюз» йәмәғәт ойошмаһының президенты Валерий Фадеев, республикабыҙҙың башҡарма власть органдары вәкилдәре, журналистар ҡатнашты.

    авторы: admin | 15 декабря 2009 | Фекерҙәр (0) | Тотош уҡырға
    Кире ҡайтырға  <<  1 2 3  >>  Киләһе бит
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru