Көсө етмәгән ҙур күтәрер.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • Штольбергта – бишбармаҡ
  • Сыңғыр
  • Нуриманда күлдәр ҡорой
  • Тотош дәүер ҡала офоҡта
  • [b]Милләттәштәр, шөкөр, рухлы әле,
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • Башҡортостан яңылыҡтары Яңылыҡтар, Башҡортостан

    Еңеүҙең 65 йыллығы уңайынан һәм Рәсәйҙең башҡа ҡалалары өлгөһөндә Стәрлетамаҡта ла ветерандарҙы бушлай хеҙмәтләндереүсе такси эшләй башланы. Был акцияла ҡаланың ике тиҫтәгә яҡын такси хеҙмәте ҡатнашырға теләк белдергән. Хәҙер Бөйөк Ватан һуғышы ветерандары үҙҙәрен оҙатып йөрөүсе менән, машина саҡыртып, поликлиникаға, дауахана, дарыухана, пенсия фондына йәки халыҡты социаль яҡлау идаралығына бушлай бара ала.
    Өфөлә 2009 йылда бойомға ашырылған маҡсатлы ҡала программалары һаны, 2008 йыл менән сағыштырғанда, өстән бер өлөшкә тиерлек артҡан. Ҡалала йыл эсендә 39 программа тормошҡа ашырылды – был уҙған йылға ҡарағанда туғыҙға күберәк. Улар араһында иң ҙур блокты социаль программалар (31) тәшкил итә.

    авторы: admin | 25 февраля 2010 | Фекерҙәр (0) | Тотош уҡырға
    Батырҙар бил һынашты Яңылыҡтар » Спорт

    Батырҙар бил һынаштыМилли көрәш республикабыҙҙа уҙғарылған спорт ярыштары араһында ҙур урынды биләп тора. Ул егеттәрҙе бала саҡтан физик ныҡлыҡҡа өйрәтергә һәм патриотик рухта тәрбиәләргә ярҙам итә. Ошо көндәрҙә баш ҡалабыҙҙың Киров районы мәктәптәре уҡыусылары араһында Мостай Кәрим исемендәге 158-се башҡорт гимназияһында милли көрәш буйынса спартакиада үтте. Ул, ғәҙәттәгесә, парадҡа баҫыу һәм гимн аҫтында флаг күтәреүҙән башланды. Өфө ҡалаһының төп тренеры Фәнис Уразбахтин баш судья вазифаһын башҡарҙы. Рәсәй чемпиондары Юнир Ильясов, Винер Хәйбуллин, донъя призеры Наил Мөхәмәтйәнов кеүек билдәле батырҙарҙы үҫтергән тренер, ярышты баһалап:«Беҙ йәштәрҙе үҫтереүгә ярҙам итһәк, бер нисә йылдан улар еңеүселәр сафын тултырасаҡ. Рәсәй буйынса 3-сө урынды яулаусы Вадим Зөлҡәрнәев бала саҡтан, Руслан Шәйхетдинов 16 йәшенән көрәшә башланы. Бөгөн улар өсөн бик шатмын».

    авторы: admin | 25 февраля 2010 | Фекерҙәр (0) | Тотош уҡырға
    Ҡар бураны уйнатып... Яңылыҡтар » Спорт

    Ҡар бураны уйнатып...Өфөнөң «Олимпик-парк» тау саңғыһы комплексында журналистар менән мәктәп уҡыусыларының йыйылма командалары араһында тау саңғыһы буйынса ярыштар үтте. М. Кәрим исемендәге 158-се һәм Ф. Мостафина исемендәге 20-се ҡала башҡорт гимназиялары уҡыусыларының журналистар менән шахмат, футбол һәм волейбол уйнауы хаҡында гәзит уҡыусыларыбыҙ хәбәрҙар. Ошо көндәрҙә БР Хөкүмәте ҡарамағындағы Матбуғат, нәшриәт һәм полиграфия эштәре буйынса идаралыҡ, «Башҡортостан» дәүләт телерадиокомпанияһы һәм Ф. Мостафина исемендәге 20-се ҡала башҡорт гимназияһы йыйылма командалары саңғыға баҫты. Был оҫталыҡ та, батырлыҡ та талап иткән спорт ярышын БР Хөкүмәте ҡарамағындағы Матбуғат, нәшриәт һәм полиграфия эштәре буйынса идаралыҡ һәм «Йәшлек» гәзите редакцияһы ойошторҙо. Тауҙан саңғы менән шыуыу туп тибеү түгел. Ул даими шөғөлләнеүҙе талап итә.

    авторы: admin | 25 февраля 2010 | Фекерҙәр (0) | Тотош уҡырға
    Фәнде үҙ иткән йәштәр сафы тулылана Мәғәриф

    Фәнде үҙ иткән йәштәр сафы тулыланаФән – ҙур сабырлыҡ, ныҡышмалылыҡ талап иткән ауыр ҙа, ҡатмарлы ла өлкә. Әммә, шуға ҡарамаҫтан, һуңғы йылдарҙа фән юлын һайлаусы йәштәр һаны арта бара. Әлеге ваҡытта республиканың юғары уҡыу йорттарында 2472 аспиранттың уҡыуы, шуларҙың 2472-һе, йәғни 87 проценты 30 йәшкә тиклемге йәштәр булыуы тап ошо хаҡта һөйләй.
    Йәштәрҙең фәнгә ынтылыуының төп сәбәптәренең береһе – республикабыҙҙа фән менән шөғөлләнеү өсөн мөмкинлектәрҙең киңәйеүе. Йәш ғалимдар араһында төрлө конкурстар ойошторола, уҡыуҙа һәм ғилми эҙләнеүҙәрҙә юғары һөҙөмтәләргә өлгәшкән аспиранттарға һәм докторанттарға Башҡортостан Президенты стипендиялары тапшырыла, ә инде республиканың иҡтисади һәм социаль үҫешенә йоғонто яһарҙай юғары уңыштары һәм асыштары булған йәш фән әһелдәренең хеҙмәте Дәүләт йәштәр премияһына лайыҡ була. Шулай уҡ ҡыҙҙар һәм егеттәр сит илдәрҙең абруйлы уҡыу йорттарына барып, үҙҙәренең белемен камиллаштырып, сит ил тәжрибәһен өйрәнеп ҡайта ала. 2006 йылда булдырылған республикабыҙ Президенты гранты ла фән өлкәһенә яңы аяҡ баҫҡан йәштәр өсөн ҙур дәртләндереү сараһы һәм матди ярҙам булып тора.

    авторы: admin | 25 февраля 2010 | Фекерҙәр (0) | Тотош уҡырға
    Белемле һынауҙан ҡурҡмай Мәғәриф

    Уҡыу йылы яңы ғына башланған кеүек ине, икенсе ярты йыллығына ла аяҡ баҫтыҡ. Йылды яҡшы һөҙөмтәләр менән тамамлау өсөн уҡыусыларҙың бар көсөн уҡыуға ғына биреп, тырышып уҡый торған мәле. 11-се синыф уҡыусылары өсөн иһә айырыуса яуаплы осор. Алда хәл иткес имтихандар тора. Уларҙы нисек тапшырыуыңдан, мәктәпте уңышлы тамамлау менән бер рәттән, юғары уҡыу йортона уҡырға инеү-инмәү мәсьәләһе лә хәл ителәсәк. Сығарылыш имтиханы булараҡ, берҙәм дәүләт имтиханы яңы индерелә башлаған осорҙа йәмәғәтселектә ҙур шау-шыу тыуҙырғайны. БДИ һорауҙары шул тиклем ҡатмарлы, уны хатта вуз уҡытыусылары ла эшләй алмай икән, тигән һүҙҙәр таралды. Балаларыбыҙ нисек кенә итеп тапшырыр икән, тип борсолдо ата-әсәләр. Уҡытыусылар иһә, уҡыусылар белемен аҡлай алырмы, тип хафаланды. Хәҙер иһә БДИ һынау осорон үтте, бер нисә йыл дауамында уҡыусылар БДИ формаһында дәүләт сығарылыш имтихандары тапшырып, тәжрибә тупланы.

    авторы: admin | 25 февраля 2010 | Фекерҙәр (0) | Тотош уҡырға
    Аслыҡ иғлан итәм, сөнки... Тормош юлдары ҡатмарлы, Хаттар яҙҙым

    Аслыҡ иғлан итәм, сөнки...Бер нисә көн элек редакцияға бер ир шылтыратты.
    – Мин фәлән райондың фәлән ауылында йәшәйем. Бөгөндән аслыҡ иғлан итәм!.. Сөнки ҡатын, бөтә мал-тыуарҙы эйәртеп, әсәһенә ҡайтып китте, фәләнсә баш һыйырҙың, шунса быҙауҙың, бер нисә аттың берәүһен булһа ла ҡалдырманы...
    Сәйер хәбәргә аптырап ҡалдыҡ. Бәлки, берәй алимент түләмәгән атай йоратылыр, шуға бөтә мөлкәтен тартып алғандарҙыр, тине арабыҙҙан кемдер.
    – Балалары асыҡҡанда эше юҡ, ә үҙе бер нәмәһеҙ ҡалыу менән тотош республикаға яр һалмаҡсы булған, – тип йөпләне уны икенсебеҙ.
    Улай тиһәң, мал-мөлкәтте тартып алған хәлдә лә, кешегә үҙ өлөшө – тәғәйене ҡалдырылырға тейеш тә баһа... Хәйер, берәү асыҡҡанда, сәбәбен асыҡламай, баш ватып ултырырһыңмы? Иртәгәһенә үк юлға сыҡтыҡ.

    авторы: admin | 25 февраля 2010 | Фекерҙәр (3) | Тотош уҡырға
    Ҡапҡасы – ярты команда, тигән әйтем менән килешмәйем Яңылыҡтар » Спорт

    Ҡапҡасы – ярты команда, тигән әйтем менән килешмәйемБына шулай башланып китә беҙҙең ҡапҡасыбыҙ Александр Еременконың спорт яҙмышы. Әлбиттә, һәр бер спортсыныҡы кеүек, ул еңел башланмай. Ул хатта 19 йәшендә, яратҡан шөғөлөн ташлап, икенсе эшкә тотонмаҡсы булып йөрөй. Сөнки талантын әллә ни күрһәтә алмай, ә «Динамо»ның төп составына эләгеү уға хыял кеүек тойола. Тик геройыбыҙ ауырлыҡтарға баш эймәй. Үҙ өҫтөндә күп эшләй, кистәрен йоҡламай күнекмәләр үткәрә. Тырышлығы тиҙҙән емеш бирә. Яйлап төп составта ла урын табыла, һөҙөмтәләре лә оҙаҡ көттөрмәй. Йәш кенә көйө «Динамо» составында чемпион булғас, башҡа клубтарҙа ла уға ҡарата ҡыҙыҡһыныу уяна. Бейеклектәр яйлап яулана, тигәндәй, уртаса командаларҙа үҙен һынап ҡараған егетте Ҡаҙан клубы үҙенә саҡырып ала. Әлбиттә, шунда уҡ төп урынды бирмәйҙәр. Күршеләрҙең тәжрибәле ҡапҡасылары булғанлыҡтан, Александр ваҡытының күп өлөшөн запас эскәм­йәһендә уҙғарып, уйынды ситтән күҙәтергә мәжбүр була.

    авторы: admin | 25 февраля 2010 | Фекерҙәр (0) | Тотош уҡырға
    Сабыйҙарса ябайлыҡ, балаларса ихласлыҡ Яңылыҡтар

    Сабыйҙарса ябайлыҡ, балаларса ихласлыҡӨфөнөң Шәһит Хоҙайбирҙин исемендәге Үҙәк ҡала балалар китапханаһында рәссам, Рәсәй дизай­нер­ҙар союзы ағзаһы Артур Васи-ловтың балалар өсөн ижад ителгән эштәренән күргәҙмә асылды.
    Күп күргәҙмәләрҙә булып, ниндәй генә эштәрҙе күрергә яҙманы. Хатта атаҡлы оҫта Әхмәт Лотфул­линдың оҫтахаһында булыу бәхете тейҙе, талантлы урта быуын рәссамдарынан Йәлил Сөләймәнов, Хәтип Фа­зылов, Әмир Мәжитов менән аралашып, сәнғәт тураһында әңгәмә ҡороп, бәхәсләшеп ултыр­ған саҡтар ҙа булды. Ә инде Шәһит Хоҙайбирҙин исемендәге Үҙәк ҡала балалар китапханаһында асылған яңы күргәҙмә мине илаһилығы һәм ябайлығы менән арбаны. Унда рәссам, Рәсәй дизайнерҙар союзы ағзаһы Артур Василовтың балалар өсөн ижад ителгән эштәре ҡуйылған.

    авторы: admin | 25 февраля 2010 | Фекерҙәр (0) | Тотош уҡырға
    Кире ҡайтырға  <<  1 2  >>  Киләһе бит
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru