Алтын утта һыналыр, әҙәм эштә һыналыр.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • Суд приставтары бала хоҡуҡтарын яҡлай
  • «Төньяҡ амурҙары» – тағы ла еңеүсе!
  • Ғәфү итеүгә тәүге аҙым
  • Рәхмәтле hәм мәрхәмәтле Аллаh исеме менән
  • Байрамығыҙ менән, почтальондар!
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • Купите на нашем сайте www.keepmotion.ru женские солнцезащитные очки Oakley.. Купить оригинальные Женские солнцезащитные очки Oakley в keepmotion.ru, недорого с доставкой и гарантией. Оригинальные Солнцезащитные очки Oakley, с быстрой доставкой по Москве и России.
    Йәй йылыһы булһын йорттарҙа Яңылыҡтар, Башҡортостан

    Быйылғы ҡыш үҙенең шаҡтай ҡырыҫлығын күрһәтте. Илдең ҡайһы бер төбәктәрендә йәшәүселәр өсөн ул ауыр һынауға әйләнде. Радио һәм телевидение аша ишетеп-күреп торабыҙ, ҡайһы бер торлаҡ пункттарында кешеләр һалҡын фатирҙарҙа көн итә, социаль объекттар йылытылмай. Шөкөр, беҙҙең республикала бындай хәлгә юл ҡуйылғаны юҡ. Сөнки газ хужалығы көйлө һәм хәүефһеҙ эшләй. Был уңышта «Үҙәк газ» йәмғиәтенең дә өлөшө ҙур. Коллективтың көндәлек фиҙакәр хеҙмәте тураһында йәмғиәттең баш инженеры Таһир Күскилдин һөйләй.
    – Бөгөнгө йәмғиәтебеҙҙе «зәңгәр яғыулыҡ»тан башҡа күҙ алдына ла килтереп булмай. Шул уҡ ваҡытта газ сервисы хеҙмәте лә камиллаша. Сөнки «зәңгәр яғыу­лыҡ»тан файҙаланыу менән бергә, уның хәүефһеҙлеге тураһында ла хәстәрлек күреү талап ителә. Беҙҙең коллективҡа нәҡ шундай яуаплы бурыс йөкмәтелгән.

    авторы: admin | 20 февраля 2010 | Фекерҙәр (0) | Тотош уҡырға
    Палагин, төйөнсөгөңдө төйнә!(Палагин! Собирай шмотки!) Башҡортостан, Сәйәсәт

    Палагин, төйөнсөгөңдө төйнә!(Палагин! Собирай шмотки!)Алдан хәбәр итеүебеҙсә, Башҡорт йәштәре иттифағы, РФ Федераль именлек хеҙмәтенең Башҡортостан буйынса идаралығы начальнигы Виктор Палагиндың отставкаһын талап итеп, 18 – 19 февралдә пикетҡа сыҡты .
    Пикет талабы бер: Палагин, кит!
    Ә пикетты ойоштороусыларға килгәндә, йәштәр түбәндәге лозунгылар тотҡайны: «Беҙ ФСБ-ға түгел, ә Палагинға ҡаршыбыҙ!», «Палагин, һин именлек хеҙмәте «мискәһе»ндә бер ҡалаҡ дегет!», «Палагин, Рәсәй – демократик ил, 1937 йылды кире ҡайтарырға юл ҡуймаясаҡбыҙ!» һ.б. Башҡорт йәштәре иттифағына теләктәшлек күрһәтеп, республика райондарынан, күрше Ырымбур өлкәһенән вәкилдәр килгәйне. Был пикетҡа сығыр өсөн йәштәргә байтаҡ ҡына кәртәне үтергә тура килде. Ошонда ҡатнашырға йыйыныусы студенттарға хатта уҡыу йортонан ҡыуыу менән дә янанылар. Ғәҙел булмаған мөнәсәбәткә, тентеү, эҙәрлекләүгә үҙ ҡарашын белдерергә патриот йәштәр, шулай уҡ өлкәндәр ҙә килде барыбер. Ҡатнашыусылар һаны уведомлениела күрһәтелгәндән (уның буйынса ҡатнашыусы һаны 50 кеше) артып киткәнгә БЙИ рәйесе Фәүзил Маликовҡа ҡарата протокол да тултыр­ҙылар. Һуң, пикетсыларҙы яҡларға теләгән кешеләрҙе кире ҡайтарып булмай ҙа инде.

    авторы: admin | 20 февраля 2010 | Фекерҙәр (1) | Тотош уҡырға
    Йәштәр, һеҙ яңғыҙ түгел! Башҡортостан, Сәйәсәт

    Бөтә донъя башҡорттары ҡоролтайы башҡарма комитеты ағзалары башҡорт йәштәре йәмәғәт ойошмалары етәкселәре һәм активистары тирәләй килеп тыуған хәүефле хәлгә битараф ҡала алманы. Сираттағы ултырышта тентеүҙәр ойошторған көс структураларына ҡаршы протест белдереп, уларҙың баҫымын нигеҙһеҙ тип атаны. Ошоға бәйле, Башҡорт йәштәре иттифағының Виктор Палагинды отставкаға ебәреүҙе талап итеп яҙған мөрәжәғәтен хуплай.

    Т. АМАНОВ.

    авторы: admin | 18 февраля 2010 | Фекерҙәр (0) | Тотош уҡырға
    Өфө губернаһы исемен йөрөтөүсе сайттың маҡсаты: Иғтибар, Башҡортостан, Сәйәсәт

    1. Башҡортостандың бөтә социаль-мәҙәни өлкәһен тотороҡһоҙландырыу. Сөнки был сфера тотороҡлоҡҡа нигеҙләнгән, һәм радикалдар уны күрә алмай. Сайт иһә радикализм менән айырылып тора. Уның өсөн – хәүеф, иртәгәһе көнгә ышанмау хәл-торошо даими ҡуҙғытыла. Сайт биттәрендә фекерҙәр ойошто­роусылар тарафынан ҡыҫҡартыла йә танып булмаҫлыҡ итеп үҙгәртелә. Конструктив комментарийҙар баҫылмай, ә милләткә, шәхестәргә нәфрәт белдергәне тағы ла көсәйтеп бирелә.
    2. Маргинал оппозицияны берләштереүсе «символдар теле» барлыҡҡа килтереү. Был тел республикабыҙ власына ғына түгел, ә тотош башҡорт халҡына ҡаршы йүнәлтелә. Сайтта ошоноң буйынса «эш» әүҙем бара; сайт уйлап сығарылған фәнни нигеҙҙә тыуған һәм Автономиялы Башҡортостан, башҡорт ихтилалдары, Салауат Юлаев, Әхмәтзәки Вәлиди кеүек шәхестәрҙең абруйын төшөрөүгә йүнәлтелгән. Әйткәндәй, милләт-ара ыҙғыш тыуҙырыу тураһында РФ Енәйәт кодексына эләкһә лә, аноним булыу сәбәпле, «имен» ҡала.
    3. Оппозицияның ыңғай фигуралары образын барлыҡҡа килтереү.

    авторы: admin | 18 февраля 2010 | Фекерҙәр (0) | Тотош уҡырға
    Аңра ҡарға тамаҡтан ярғансы ҡарҡылдай Башҡортостан, Сәйәсәт

    Аңра ҡарға тамаҡтан ярғансы ҡарҡылдайҺуңғы ваҡытта беҙгә «экстремизм» тигән һүҙҙе йыш ишетергә тура килә. Диндарҙарҙың һәр аҙымын да шуға иҫәпләй башланылар, буғай. Интернетта ла был юҫыҡта сайттар «эшләй». Шундайҙарҙың береһе үҙенә беҙҙең республикалағы хәл-торошто ҡаҡшатыу, милләт-ара ыҙғыш тыуҙырыуҙы бурыс итеп алған. Уны ойоштороусылар, авторҙары (стилдәренән күренеүенсә, иң күбендә 3 – 4 кеше) башҡорт халҡына, Башҡортостанға шундай нәфрәт менән ҡарай. Парадокс кеүек: үҙҙәре ошонда йәшәй, республиканы тыуған ерҙәре итеп һанай, бындағы уңайлыҡтарҙан файҙалана, белем ала һәм алған, дәүләт һәм ошонда йәшәүсе халыҡ мәнфәғәтенә эшләй (йәғни ниндәйҙер ойошмала, предприятиела тир түгә, нимәлер етештерә), ә яҙмаларынан ҡот осҡос дошманлыҡ, йәшәгән төйәккә ҡарата нәфрәт сағыла. Хатта тетрәнеп китәһең. Әшәке сайттарҙың исемен белеү өсөн интернетта эҙләү юлына «башкир», «башкирский язык» тип яҙыу ҙа етә. Позитив мәғлүмәттәр араһында мотлаҡ ағыуын сәскән сайтты табырға мөмкин. Күрәләтә ялған, нахаҡ булғанын белеп тә, үҙебеҙҙең милләт кешеләренең дә шикләнеп китеүенә шаҡ ҡатаһың. Беҙ үҙ тарихыбыҙҙы белеп еткермәйбеҙ, күрәһең. Салауат Юлаев, Әхмәтзәки Вәлиди кеүек шәхестәребеҙҙең исеменә ҡара яғылғанда, аһ-аһ, ысынлап та, улар шундай булғанмы икән, тип ялғансыларға теләктәшлек күрһәтә яҙабыҙ.
    Тағы ла шуныһы аптырата: күп кенә осраҡта хоҡуҡ һәм тәртип һаҡлаусылар нахаҡ бәлә яғыусыларға ҡаршы көрәшмәй, ә позитив мәғлүмәт биреүсе, ысынбарлыҡтағы яңылыҡтарҙы яҙыусы тыныс сайттарға (www.yeshlek.ru кеүек) бәйләнергә сәбәп эҙләй. Быны нисек аңларға? Тимәк, милләт-ара ыҙғыш тыуҙырыусыларға теләктәшлек күрһәтәләр булып сыға. Тимәк, республика биләмәһендә ағыу сәсеүсе сайттар РФ Федераль именлек хеҙмәтенең Башҡортос­тандағы идаралығы начальнигы Палагин әфәнденең киң ҡанаты аҫтында эшләй.
    Тағы ла бер нәмә: көҙ көнө Башҡорт йәштәре иттифағы ағзалары генерал-майор Пала­гиндың отставкаға китеүен талап итеп пикетҡа сыҡҡас, шунда уҡ был сайттар Федераль именлек хеҙмәтенең Башҡортостан буйынса идаралығы етәксеһен яҡлай башланы.

    авторы: admin | 18 февраля 2010 | Фекерҙәр (1) | Тотош уҡырға
    Башҡортостан яңылыҡтары Яңылыҡтар, Башҡортостан

    16 февралдә БР Хөкүмәте Премьер-министры Раил Сар­баев республикала яҙғы ташҡынды аварияһыҙ үткәреү буйынса саралар планын раҫланы. Ташҡын алдынан авария-шартлатыусы бригадалары инструктаж үтә, ә 15 марттан юғары хәүефле объекттарҙа тәүлек әйләнәһенә дежур итеү ойоштороласаҡ. Һыу бысраныуына юл ҡуймау өсөн ҡалдыҡ һыу ағымына яҡын урынлашҡан һыу объекттары БР Тәбиғәтте файҙаланыу һәм экология министрлығының Дәүләт аналитика-контроль баш идаралығы күҙәтеүендә буласаҡ. Бөтә донъя башҡорттары ҡоролтайы башҡарма комитетының сираттағы ултырышында өсөнсө йыйынға әҙерлек һәм уны үткәреү сиктәрендә донъя күрәсәк китап продукцияһы исемлеге буйынса һүҙ барҙы. Йыл дауамында 22 китап сығарыу планлаштырыла. Шуларҙың ҡайһы берҙәре – оло ҡорға тиклем, ҡалғандары съезд йомғаҡтары буйынса нәшер ителәсәк.

    авторы: admin | 18 февраля 2010 | Фекерҙәр (0) | Тотош уҡырға
    Яңылыҡтар Яңылыҡтар

    Виктор Ющенко Украина Президенты вазифаһын башҡарған осорондағы төп хатаһын атаған.
    «Ил менән биш йыл етәкселек иткән ваҡытта иң ҙур хатам тураһында һүҙ бара икән, мин уны атайым. Ул да булһа – Тимошенко», – ти Ющенко. Уның һүҙҙәре буйынса, әгәр Премьер-министр урынында «конструктив кеше» булһа, 2004 йылда Майҙанда торған командаға артабанғы биш йылда ла әүҙем сәйәси эшмәкәрлек дауам итеү мөмкинлеге бирер ине. Виктор Ющенко фекеренсә, Хөкүмәт Рәйесе Украина мәнфәғәттәрен күршеләргә һатҡан.

    авторы: admin | 18 февраля 2010 | Фекерҙәр (0) | Тотош уҡырға
    «Йыл уҡытыусыһы» – 3-сө гимназиянан Мәғәриф

    «Йыл уҡытыусыһы»  – 3-сө гимназиянанБаш ҡала уҡытыусыларының һөнәри конкурсы тамамланды. Көсөргәнешле бәйгелә баш ҡаланың 3-сө гимназияһынан математика уҡытыусыһы Елена Фролова (һүрәттә) еңеүгә өлгәште. Уның педагогик стажы – 11 йыл, шуның һигеҙ йылын ул 3-сө гимназияла уҡытҡан.
    – Тормошомдо мәктәптән, уҡыусыларҙан тыш күҙ алдына ла килтерә алмайым. Яҡшы уҡытыусы булыуҙың сере ябай – балалар менән эскерһеҙ, ғәҙел һәм ихлас булыу, шул саҡта ғына барыһы ла килеп сығасаҡ. Конкурста еңеү яуларға миңә яҡындарым, уҡыусыларым һәм бергә эшләгән хеҙмәттәштәрем ярҙам итте, – ти ул. Әйткәндәй, 3-сө гимназия уҡытыусылары был мәртәбәле конкурста беренсе тапҡыр ғына еңеү яуламай. Тимәк, ысынлап та, белем усағында көслө уҡытыусылар эшләй.

    авторы: admin | 18 февраля 2010 | Фекерҙәр (0) | Тотош уҡырға
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru