– Ирек өйләнгән. Кәләше менән икеһен бергә күрҙем.
– Шунан, кәләше нисек һуң?
– Стена һымаҡ.
– Шундай һимеҙме ни?
– Юҡ.
– Шымамы ни?
– Юҡ.
– Улай булғас, нимә һуң?
– Штукатуркаһы күп.

* * *
– Олатайым миңә үҙенең йәш сағында минең йәштәге балаларҙың нисек йәшәүе хаҡында һөйләне. Улар урманға бәшмәк, еләк йыйырға йөрөгән, ихатала футбол уйнаған, йылғала һыу ингән, балыҡ тотҡан. Ул меҫкендәр быларҙы телевизор һәм компьютерҙары булмағанға эшләгән.

* * *
Мин элек теннис, футбол, хоккей уйнай торғайным, шахмат һәм керлинг менән шөғөлләнә инем. Тик бөтәһе лә улым компьютерымды боҙғас та тамамланды.

* * *
Тәфтишсе прорабтан:
– Шунан, hеҙҙең эшсегеҙ, бейектән ҡолап төшөп, hәләк булғас, нишләнегеҙ? – тип hорай.
– Мин тиҙ генә склад­ҡа йүгереп барып, монтаж ҡайышын алып килеп уға кейҙерҙем, – тигән прораб.

* * *
– Бурысҡа 1000 hум аҡса биреп тор әле.
– Париждан ҡайтҡас та.
– Парижға барырға йыйынаhыңмы ни?
– Уйлағаным да юҡ.

* * *
– Һылыуҡай, ниңә һеҙ миңә ата-әсәйегеҙ да­чаға киткән һымаҡ итеп ҡарай­һығыҙ?..

* * *
– Гөлгөнә Әхмәтовна, Ильяс синыф таҡтаhына hүгенеү hүҙҙәре яҙҙы, – тип ошаҡлаша Илгиз.
– Ә ниңә hин уға бер hүҙ ҙә әйтмәнең hуң?
– Нишләп әйтмәйем ти, ул hүҙҙәрҙе бит уға мин әйтеп торҙом, – тигән малай, онотолоп китеп.
* * *
– Атай, ә ниңә беҙҙең ғаиләлә әсәйем етәксе?
– Сөнки ир кеше өсөн ғаилә – тыл, ҡатын-ҡыҙ өсөн – фронт.