Күптең эше күңелле.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • Ислам беҙҙе изгелеккә илтә
  • Беҙ Молдавияла ла булырға тейешбеҙ
  • Хужалары булғас башлы, эштэре бара яҡшы
  • «Башҡортостан» алдынғы булырға бурыслы
  • Дайджест
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • Бәхетемде бирҙем яттарға! Яңылыҡтар » Икәү генә белер сер
    Үлеп ғашиҡ булған йәрҙәр, ҡауышыу сәғәте һуҡҡан парҙар өсөн ҡараңғы төн дә етте. Ошо ваҡытта һөйгәнемдең эргәмдә булмауына әсенеп, бер-береһен һөйгән парҙарға зәмләнеп, хыялымда тыуған, һиңә арналған хатымды яҙырға булдым. Эйе! Был хатым һиңә арнала, һөйөклөм!
    Һаумы, һөйөклөм! Минең алмаштырғыһыҙ берҙән-берем. Хәлкәйҙәрең нисек? Был һорауым өсөн ғәфү ит. Һинең хәлдәрең менән ҡыҙыҡһынырға хаҡым юҡ. Күңелем һиҙеүе буйынса хәлдәрең һәйбәт. Яратҡан ҡыҙың эргәңдә, һеҙ бергә, һеҙ бәхетле. Һөйөклөм, был һайлауың яңылыш булмауына ышанам һәм үҙеңде күргем килә. Аҡылым менән һиңә бәхет теләйем, тик бына күңел генә нисектер бала кеүек тыпырсына, болоҡһой, һаман да тыныслыҡ таба алмай йонсой. Был ҡарарыңа күндем дә кеүек, һиңә лә вәғәҙәләр бирҙем… Бүтән шылтыратмайым, смс та яҙмайым, тип. Ә хәҙер телефонды ҡулыма алған һайын ҡаты уйға сумам, икеләнәм, вәғәҙәмде лә боҙғом килмәй. Икенсе яҡтан, һинең бәхетеңде лә уйлайым, шылтыратып йә смс яҙып, маңлайыңа яҙыл­ған яҙмышыңды боҙоуымдан ҡурҡам. Бәлки, һинең өсөн көрәшергә лә кәрәк булғандыр. Сөнки һин көнләшкән ҡыҙ менән бәхетле була алырһыңмы? Бәлки, бәхетең минең ҡулымдалыр, ә минеке – һинекендә…
    Беҙ икәү осрашҡан мәлдәр һаман иҫемдә. Мөһим темаларға һөйләшмәһәк тә, һөйләшеп һүҙҙәр бөтмәҫ ине. Беренсе күрешкәндән үк бер-беребеҙҙе күптән белгән кеүек аралаштыҡ. Эс серҙәребеҙҙе систек. Был бит мөғжизә, һөйөклөм, аңла шуны, зинһар!
    Беләм, һөйөклөм! Беҙ хаталандыҡ, ниндәй хыянатҡа барыуыбыҙҙы белә тороп та, осраштыҡ һәм бер-беребеҙгә магнит кеүек тартылдыҡ. Осрашҡан мәлдәрҙә бәхетле булдыҡ. Күрешмәгәндә һағындыҡ, юҡһындыҡ. Иҫләйһеңме, һөйөклөм, осрашҡан ваҡытта бер ҡасан да бер-беребеҙгә «яратам» тигән һүҙҙе әйтмәнек. Сөнки белдек, был осрашыуҙар – уйын ғына, ваҡытлыса бәхеттең ҡасан да булһа аҙағы буласаҡ. Шуға ла бер-беребеҙгә ылыҡмаҫҡа тырыштыҡ. Тик йөрәктәребеҙ был һынауҙы күтәрә алманы, яраланды.
    Иҫләйһеңме, һөйөклөм, мин алыҫ юлға сығыр алдынан осрашҡанды. Күҙ йәштәремде күргәс: «Ҡайһылай көслө холоҡлоһоң, ошоға тиклем әйтмәй йөрөгәнһең, миңә лә ҡыйын», – тип күҙ йәштәремде һөрткәйнең. Һин дә бит һиҙҙең йөрәгемдең яраланыуын.
    Аралар алыҫайҙы, шулай ҙа шылтыратышып һөйләшеп торҙоҡ. Ә аҙаҡ инде бәйләнеш һирәгәйгәндән-һирәгәйҙе, тора-бара бөтөнләй өҙөлдө. Күңелем менән һиҙендем: һин «яратам» тигән ҡыҙыңа нығыраҡ әүрәй башлағайның.
    Бер ваҡыт осар ҡоштай талпынып ҡайтып төштөм. Һине күргәс, шатлығымдың сиге булманы. Тик быны күрһәтмәҫ өсөн, үҙемде ҡулда тоторға тырыштым. Бөтә аҡтыҡ көсөмдө йыйып, тамаҡ төбөндәге төйөрҙө йотоп, һиңә «араны өҙәйек» тигән тәҡдим яһаным. Һин, күҙҙәремә ҡарап, һөйләшәйек, тинең. Был юлы ла, һөйөклөм, уйҙарыңды өнһөҙ аңланым һәм шул уҡ ваҡытта белә инем: миңә ҡыйын булмаһын тип, был һөйләшеүҙе үҙең беренсе булып башламаясаҡһың. Шуға күрә, нисек кенә ауыр булмаһын, үҙемде көсләп, был аҙымды яһаным.
    Миңә йөрәгемде үҙем бысаҡ менән телгеләгән кеүек тойолдо. Белһәң икән, һөйөклөм, шул мәлдә миңә нисек ауыр булғанын! Һине ҡосаҡлап, иркәләп, сәстәреңдән һыйпағы килгән тойғоға көс-хәл менән ҡаршы торҙом. Сөнки беләм: әгәр һиңә ҡабат ҡағылһам, кире айырылыуы минең өсөн үлемгә тиң буласаҡ.
    Бына хәҙер тағы ла аралар алыҫ. Ете төн уртаһында тулы айға ҡарап, хыялымдан ғына һиңә хат яҙып ултырам. «Бер-беребеҙҙе онотоп ҡарайыҡ», – тигәйнең дә ул, онотоп булырмы һуң, һөйөклөм? Һин көслө холоҡлоһоң, тигәйнең. Эйе, дөрөҫ, мин көслө. Шуға ла, бөтә күңел яраһы ваҡыты менән үтә, тип уйлап, мөхәббәтем өсөн көрәшмәй, һинең бәхетеңде уйлап, үҙ ҡулдарым менән яттарға биреп ултырам. «Яратам» тигән ҡыҙың эргәңдә булһын, мөхәббәт «өсмөйөшлө» булмай, һине лә ыҙалатҡым килмәй, тип уйлаған булдым. Тик дөрөҫ уйланыммы һуң?
    Инде һинең менән күрешмәгәнгә байтаҡ ваҡыт уҙҙы. Ошоға тиклем теш-тырнағым менән түҙҙем, һиңә ҡарата һөйөүемде бер кемгә лә күрһәтмәҫкә тырыштым. Һуңғы ваҡыт шуны аңланым: «Һине һөймәйем, иҫкә лә алмайым», – тип, мин бар ғаләмде, хатта һине лә алдай алырмын. Тик үҙемдең йоҙроҡтай йөрәгемде, күбәләктәй йәнемде, йыһандай күңелемде генә алдай алмам. Иртәнсәк күҙҙәремде асыу менән һине иҫләп хыялланам. Их! Булһаң икән һин минең пар ҡанатым...
    Һөйөклөм! Һиңә бер үтенесем бар: бәхетле бул! Әгәр бәхетле булһаң, һиңә ҡарап мин дә бәхетле булырмын. Әлегә билдәһеҙлек...
    Их! Был бары тик хыял! Минең бит вәғәҙәм бар. Шулай булһа ла беләм: беҙ бер һауаны һулайбыҙ, бер ҡояш нурында ҡыҙынабыҙ, аяҙ төндәрҙә күккә ҡарап, атылған йондоҙҙо күреп, бергә теләк теләйбеҙ. Ошолар минең өсөн әлегә бәхет. Тик үҙең генә, һөйөклөм, бәхетле була күр!

    Һине яратып, Г.
    Йылайыр районы.
    авторы: Нур | 17 июля 2010 | | Фекерҙәр (0)
    Оҡшаш яңылыҡтар:
  • Йүгереп ҡайтыр инем бала сағыма
  • Йәшлек хаталары хаҡ һорай
  • ҺҮНМӘҪ
  • Йәйғор төҫө тураһында
  • Ерҙә һин яңғыҙ бала...
  • + Новости Баш-портала

    Новости, история, культура и политика Башкортостана. Каталог статей, фотохостинг, создание аватар

    добавить на Яндекс
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru