Йүнһеҙ итексе беҙен ғәйепләр.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • Йән тыныслығы – бәхет сығанағы
  • Яңы штрафтар кемдәргә ҡағыла?
  • Асылына ҡайтты Үтәғол
  • [b]УЛАРҘЫ «ХӘҮЕФҺЕҘ ТӘГӘРМӘС» САҠЫРҘЫ[/b]
  • ӨФӨ ЯНЫНДА ИГЕН ҮҪТЕРЕП, ҠОРТ ҮРСЕТЕП...
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • Уны йылы хәтирәләр менән иҫкә алалар Еңеүгә 65 йыл

    атайым Зиннур Илһам улы Шәйәхмәтов 1942 йылдың 18 авгусында һуғышҡа алына. 1941 йылда ойошторолған 874-се полк 282-се дивизия составында яу юлдарын үтә.
    Ленинград янындағы алыштарҙа, Балтик буйын, Польшаны, Чехословакияны азат итеүҙә ҡатнаша.
    Һуғышты Германияның Вальденбург ҡалаһында тамамлай. 1942 йылда Сталинград һуғышында башы яралана. Йүнәлеп сыҡҡас, тағы Сталинград дәһшәтенә инә. Һуғыш менән разведка алып барған ваҡытта һул аяғына снайпер пуляһы эләгә, ҡабырғаһынан да яралана. Һарытау өлкәһенең Энгельс ҡалаһы госпиталендә 1943 йылдың майына тиклем дауалана. Ул ваҡытта инде олатайым рота старшинаһы була. Һауығып сыҡҡас, айырым снайперсылар ротаһында взвод командиры ярҙамсыһы итеп тәғәйенләнә.

    авторы: admin | 10 мая 2010 | Фекерҙәр (0) | Тотош уҡырға
    Беҙгә лә еңел булманы Еңеүгә 65 йыл

    Еңеүҙең 65 йыллығына ҡарата яҡшы хәбәрҙәр ишетеп торабыҙ. Һуғыштан ҡайтҡандарға бәхет йондоҙо асыла. Уларға машина өҫтөнә машина, өй өҫтөнә өй бирелә. Беҙҙең кеүек «һуғыш ҡалдыҡтары»на бер ни юҡ.
    Атай-ағайҙарыбыҙ тыуған ер өсөн, беҙ рәхәт йәшәһен өсөн һуғышып, баштарын һалды. Ғүмеребеҙҙә бер мәртәбә лә «атай», «ағай» тип әйтә алмайынса, 70-те лә тултырмайынса үлеп китәбеҙ. Шул ғәҙелме?
    Атайыбыҙҙың һуңғы хатын беҙ һаман да һаҡлайбыҙ. «Һуғышҡа инәбеҙ, теләктәр теләгеҙ», – тигән ул.

    авторы: admin | 10 мая 2010 | Фекерҙәр (0) | Тотош уҡырға
    Башҡортостан яңылыҡтары Яңылыҡтар

    Бәләбәйҙә Бөйөк Еңеүҙе байрам итеү тантаналары Еңеүсе-яугир һәйкәленә сәскәләр һалыуҙан башланды. Ҡала халҡын был көндә «Еңеү һалдаттарына» тип аталған театрлаштырылған тамашаны, «Еңеү яҙы» концертын һәм «Ветеран» клубы менән халыҡ ижады фестивалендә ҡатнашыусыларҙың сығышын ҡараны. Кискеһен «Аксаково – Бәләбәй» традицион еңел атлетика кросының финишы үтте.
    Салауат ҡалаһында байрам һәм ветерандар хөрмәтенә һауаға ике аҡ күгәрсен осорҙолар. Ҡаланың тарихи урындары буйлап ойошторолған сәйәхәт тә ветерандарҙың хәтерендә оҙаҡ һаҡланыр. Көн дауамында ҡала майҙандарында төрлө конкурстар, концерттар, йәрминкәләр, спорт ярыштары гөрләп торҙо.

    авторы: admin | 10 мая 2010 | Фекерҙәр (0) | Тотош уҡырға
    Йылайыр районы Еңеүгә 65 йыл

    Йылайыр районы һуғышҡа 7585 уланын оҙатҡан, шуларҙың 3908-е яу ҡырында ятып ҡалған. Райондан һигеҙ Советтар Союзы Геройы сыҡҡан. Бөгөнгө Еңеү байрамын 29 һуғыш, 711 тыл ветераны ҡаршылай. Район хакимиәте ҡарары менән уларҙың барыһы ла медицина диспансеры күҙәтеүен үткән, кәрәк тип табылғандар даими рәүештә республика санаторийҙарына, ял йорттарына путевкалар ала, йә булмаһа район дауаханаһында һаулығын нығыта. Торлаҡ шарттарын яҡшыртыу кәрәк тип табылған 21 ветеранға торлаҡ сертификаты тапшырылған, тағы ике тыл ветераны өҫтәлмә исемлеге буйынса үҙҙәренең сертификаттарын көтөп ҡала.

    авторы: admin | 10 мая 2010 | Фекерҙәр (0) | Тотош уҡырға
    Бер кем дә, бер нәмә лә онотолмаған! Еңеүгә 65 йыл

    Хәйбуллалар, йылдағыса, Бөйөк Еңеүгә арналған тантананы иң тәүгеләрҙән булып, 7 майҙа уҙғарҙы. Иртәләү­ҙәре­нең сәбәптәре ябай аңлатыла – 9 май көнө һәр ауыл биләмәһендә үҙенең һуғыш һәм тыл ветерандарын тәбрикләйәсәктәр, бөгөн иһә район үҙәгендә, Аҡъярҙа, дөйөм саралар көнө.
    Муса Гәрәев урамы, райондың хәрби комиссариаты алды. Малай-шалайҙарҙың, үҫмерҙәрҙең ир ҡорона инеү, йәғни хәрби хеҙмәткә оҙатылыу өсөн теҙелә торған майҙансығы. Бөгөн бында ниндәйҙер шомло, шул әйтеп бөтөлмәгәнлеге менән мөһабәт тантаналыҡ хөкөм һөрә: тынлы оркестр, хәрби камуфляж кейемдәр кейеп сафҡа теҙелгән үҫмерҙәр, уйға батып, хистәренә күмелеп ултырған ҡарт яугирҙар, уларҙың арттарында теҙелеп баҫып тороусы аҡ халатлы шәфҡәт туташтары...

    авторы: admin | 10 мая 2010 | Фекерҙәр (0) | Тотош уҡырға
    Сибай ҡалаһында Еңеүгә 65 йыл

    Сибай ҡалаһында байрам тантанаһы ике көн – 8 һәм 9 майҙа – дауам итте. Тәүге көндә Сибайҙың үҙәк майҙанында тантаналы митинг уҙып, ҡала биләмәһендә урынлашҡан Советтар Союзы Геройы Федор Белов, Александр Матросов һәйкәлдәренә, һуғыштан ҡайтмаған яугирҙар иҫтәлегенә ар­налған обелискыға, Мәңгелек утҡа сәскәләр һалыу тантанаһы уҙҙы. Шулай уҡ был көндә ҡаланың Тыуған яҡты өйрәнеү музейында яңы диарама тантаналы асылды. 112-се Башҡорт кавалерия дивизияһына арналған был экспозиция «Башмедь» асыҡ акционерҙар йәмғиәтенең финанс ярҙамы менән ойошторолған. Алдараҡ Сибай педколледжында Башҡорт кавалерия дивизияһының эскадрон командиры Бәҙри Мөжәүир улы Мәмбәтҡоловҡа арнап иҫтәлекле таҡтаташ ҡуйылғайны.

    авторы: admin | 10 мая 2010 | Фекерҙәр (0) | Тотош уҡырға
    Ҡеүәтле тыл, батырлы ер – Башҡортостан! Еңеүгә 65 йыл

    Башҡортостан Республикаһы Президенты Мортаза Рәхимов баш ҡаланың Конгресс-холында тантаналы сараға йыйылған һуғыш һәм тыл ветерандарын тәбрикләп:
    –Бөйөк Ватан һуғышы беҙҙең ил тарихында иң ҡурҡыныс ҡына түгел, батырлыҡ осоро ла булды. Был ҡанлы һуғыштың йылъяҙмаһы Тыуған илен һаҡлаған миллионлаған кешенең илһөйәрлегенең, батырлығының бөйөк өлгөләрен туплаған, – тине.
    Шулай уҡ республика башлығы байрам алды кисәһендә Башҡортостан һалдаттарының да һуғыштың тәүге көнөнән алып аҙағына тиклем Тыуған илебеҙҙе дошмандан таҙартҡанын, беҙҙең хәрбиҙәрҙең Берлинғаса барып етеп, Рейхстагҡа Ҡыҙыл Байраҡты ҡаҙап ҡуйғанда ла, алғы сафта булғанлығын билдәләне. Ысынлап та, Башҡортостан һалдаттарының батырлығы тиңһеҙ – Бөйөк Ватан һуғышында Советтар Союзы Геройы тигән юғары исемгә 280 батырыбыҙ лайыҡ булған, 37 егетебеҙ – Дан орденының тулы кавалеры! Дөйөм алғанда, республиканың 200 меңдән ашыу һалдат һәм офицер ордендар һәм миҙалдар менән наградланған.

    авторы: admin | 10 мая 2010 | Фекерҙәр (0) | Тотош уҡырға
    Ғүмерлеккә иҫтә ҡалырлыҡ тамаш Яңылыҡтар

    Баш ҡалабыҙҙағы парадта фашистарҙың ҡотон алған легендар Т-34 танкыһы һәм башҡа ретро-техника өлгөләре күрһәтелде. Бөйөк Еңеүгә арналған парад илдең бөтә ҙур майҙандарында ла бер ваҡытта башланды. Парадты барып күреү мөмкинлеге булмағандар ҙа, был тантаналы сараны телевизорҙан ҡарап, илебеҙҙең тарихын, ҡеүәтен тағы бер тапҡыр күреү, баһалау бәхетенә эйә булды.
    Баш ҡалабыҙ Өфөнөң Ленин майҙанында ойошторолған Бөйөк Еңеүҙең 65 йыллығына арналған парадҡа республиканың бөтә район-ҡалаларынан хәрбиҙәр йыйылды. Тантаналы сарала бөтәһе ике меңдән артыҡ кеше һәм 40-тан ашыу техника берәмеге ҡатнашты. Парадта ҡатнашыусыларҙың 770-е – ветерандар. Сараны ҡарау өсөн республиканың район-ҡалаларынан 480 Бөйөк Ватан һуғышы ветераны, урамдарҙы тултырып халыҡ йыйылды.

    авторы: admin | 10 мая 2010 | Фекерҙәр (0) | Тотош уҡырға
    580-се бит|520-се бит|480-се бит|450-се бит|400-се бит|351-се бит|650-се бит|600-се бит|550-се бит
    |
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru