Бармаҡ йөрөт - аң эйҙер, бәке йөрөт - ҡан кейҙер.

Еңеүгә 65 йыл

Ҡоролтай

Республика йылы


Уҡытыусы йылы

  Иҡтисад

  Баш бит |   Теркәлеү |   Мәғлүмәт |   Сайттағы яңылыҡтар |   Беҙҙең турала |   Бәйләнеш
Спортлы Башкортостан
Башҡорт порталы
Төрлө яңылыҡтарПопуляр яңылыҡтар
  • БАЙРАМ НАМАҘЫ АЛДЫНАН:
  • Ғали йәнәптәре Хәреф
  • Беҙ Молдавияла ла булырға тейешбеҙ
  • Фәһемле лә, күңелле лә үтте
  • Ағас күрке – япраҡ, тиһәләр, урман күрке – мышылар...
  • Халыҡ-ара документтарҙа нимә яҙылған?
  • Ниндәй йәй ул рәхәтләнеп һыу инеп, ҡомда ҡыҙынмағас!
  • Көләмәстәр
  • ...Иҫ киткес ымhындырғыс донъя
  • Бөйөк Еңеү көнө менән!



  • Сүп-сар баҫмаһын тиһәк… Башҡортостан

    15 процентҡа арттырып түләйбеҙ инде
    РФ Дәүләт Думаһында ҡалдыҡтар тураһындағы закон проекты икенсе уҡыуҙа ҡаралырға тейеш. Ул документ бынан өс йыл элек үк беренсе тапҡыр уҡылғайны ла, ниңәлер онотолоп торҙо. Хәҙер ил Президенты эште еренә еткерергә һәм нөктә ҡуйырға ҡуша.
    Закон проектына ярашлы, сәнәғәт һәм ҡулланыусылар ҡалдыҡтарына цивилизациялы мөнәсәбәт булдырыу талап ителә. Беләһегеҙ, бөгөн беҙҙе сүплектәр баҫып бара. Рәсәйҙә меңләгән гектар ер ҡыйлыҡ өсөн бүленә. Үҫешкән илдәрҙә ҡайһы бер ҡалдыҡтар йыш ҡына сеймал (йә йылылыҡ энергияһы алыуға) итеп тотонолһа, беҙҙә һаман был эште яйға һала алмайҙар. Ә хәҙер депутаттар яңынан өйрәнергә тотонған да ул, тик бер “әтнәкәһе” булмаҡсы. Документтың һуңғы вариантында әйтелеүенсә, сүп-сарҙы эшкәртеү йә урынлаштырыу хаҡы коммуналь түләүҙәр исемлегенә индерелергә тейеш.

    авторы: admin | 11 ноября 2014 | Фекерҙәр (0) | Тотош уҡырға
    Ә беҙҙең ауылда... Яңылыҡтар » Хаттар яҙҙым

    Нәзифә ЗӘЙНУЛЛИНА, Миәкә районының Әнәс ауылы:
    – Ауылдарҙа йәйен ныҡ ҡыҙыу эш мәле тиҙәр. Мин, һәр ваҡыт ҡыҙыу осор, тиер инем. Һуғым һуйыр мәл етте. Ауыл кешеһе өсөн ул да бик яуаплы бурыс. Йәй буйы аҫраған малын, ҡош-ҡортон һуйып, инде хәҙер рәхәтләнеп ҡышын ашар өсөн һыуытҡыстарға, туңдыр­ғыстарға урынлаштырырға кәрәк. Үҙебеҙҙән артып ҡалһа, һатыуға ла сығарабыҙ. Уныһы мәшәҡәтерәк инде. Ҡыҫҡаһы, ауыл гөрләп тора. Бына ошо көндәрҙә уландарҙы әрмегә лә оҙатырға әҙерләнәләр, мәҙәниәт йортонда ла тантаналы кисә буласаҡ. Ҡышты иҫәнлектә-һаулыҡта сығырға яҙһын. Амин, шулай була күрһен. Башҡортостаныбыҙ халҡына именлек теләйбеҙ.

    авторы: admin | 10 ноября 2014 | Фекерҙәр (0) | Тотош уҡырға
    Ә беҙҙең ауылда... Яңылыҡтар » Хаттар яҙҙым

    Рәғинә НИЗАМОВА, Шишмә районының Шишмә ҡасабаһы:
    – Беҙҙең ауылда бик күркәм иман йорто асылды. Ҡыуанысыбыҙ сикһеҙ. Уның гелән халыҡ менән тулы булыуын, үҙенә саҡырып, күңелдәребеҙҙе сафландырып тороуын теләйбеҙ. Мәсеткә тарихи шәхестең исеме бирелде – Хөсәйенбәк. Хажи Хөсәйенбәк хәҙрәт үҙ заманында төбәгебеҙҙең беренсе имамы, бик ҙур ғалим булған. Уның кәшәнәһе лә боронғоноң бер ҡомартҡыһы итеп һаҡлана.
    Мәсет асылыу тантанаһына баш мөфтөй Тәлғәт Тажетдин да килде, халыҡ күп булды. Ике ҡатлы, ике манаралы бинала ғибәҙәт ҡылыу урыны ғына түгел, уҡыу бүлмәләре лә, китапхана ла буласаҡ.

    авторы: admin | 10 ноября 2014 | Фекерҙәр (0) | Тотош уҡырға
    Ә беҙҙең ауылда... Яңылыҡтар » Хаттар яҙҙым

    Фәриҙә ҺАҒЫНБАЕВА, Баймаҡ районының Буранбай ауылы, ағинәйҙәр клубы етәксеһе:
    – Ауылыбыҙҙа ғорурланып һөйләрлек яҡташыбыҙ, шағир һәм шәхес Рәйес Түләккә арналған хәтер кисәһе уҙҙы. Уны уҙғарыу эшенә китапхана мөдире Зәкиә Ғәйетбаева күп көс һалды. Байтаҡ ҡына ҡунаҡ та килгәйне. Шағирҙың ҡатыны Флүрә Түләкова, билдәле шағирҙар Әхмәр Үтәбай, Салауат Әбүзәр, Дамир Шәрәфетдинов булыуы ла сараға мәртәбә өҫтәне. Әлбиттә, бер аҙ моңһоу ине, сөнки Рәйес Түләк арабыҙҙа юҡ, шулай ҙа кисә бик матур, йөкмәткеле үтте. Мәктәп уҡыусылары ла ихлас сығыш яһаны, “Гәүһәркәй” фольклор ансамбле ҡатнашыуы ла бер биҙәк булып торҙо. Беҙ, ағинәйҙәр, шағирға бағышлап мөнәжәт әйттек. Халыҡҡа бик оҡшаны.

    авторы: admin | 10 ноября 2014 | Фекерҙәр (0) | Тотош уҡырға
    Яңылыҡтар Яңылыҡтар

    Өфө ҡалаһында 23 апрелдән 25-енә тиклем Астана ҡалаһының М. Горький исемендәге Рус дәүләт академия драма театрының гастролдәре үтә. М. Ғафури исемендәге Башҡорт дәүләт академия драма театрында Ҡаҙағстан ҡунаҡтары иң яҡшы спектаклдәрен күрһәтәсәк. Атап әйткәндә, Өфө тамашасылары Булгаковтың “Мастер һәм Мар­гарита”һы, Шекс­пирҙың “Ромео һәм Джульетта” әҫәрҙәре буйынса әҙерләнгән спектаклдәрҙе яңы ғәҙәти булмаған жанрҙа ҡараясаҡ.

    Башҡортостан менән Ҡурған өлкәһе Хеҙмәттәшлек тураһындағы килешеүҙе яңырта. Был хаҡта өлкә губернаторы вазифаһын башҡарыу­сы Алексей Кокорин Урал төбәктәрендәге Башҡортостан Республи­каһының рәсми вәкиле Амур Хәбибуллин һәм Учалы районы хакимиәте башлығы Фәрит Дәүләтгәрәев менән осрашыуҙа белдергән. Әлеге ваҡытта шулай уҡ Шадринск менән Учалы ҡалалары араһында иҡтисади һәм мәҙәни хеҙмәттәшлек тураһындағы килешеү ғәмәлдә.

    авторы: admin | 26 мая 2014 | Фекерҙәр (0) | Тотош уҡырға
    Марокко ҡул һуҙымында ғына Яңылыҡтар

    Башҡортостан Президенты Рөстәм Хәмитов Республика йортонда Марокко короленең Рәсәйҙәге илсеһе Әбделҡадир Лешехеб етәкселегендәге Марокко батшалығының рәсми делегацияһын ҡабул итте.
    Сит ил вәкилдәре ике дәүләттең уртаҡ Мәҙәниәт һәм дуҫлыҡ йортон асыу өсөн килгән. Рөстәм Хәмитов әйтеүенсә, был мөһим аҙым. Ошондай мәҙәни бәйләнештәр халыҡтар араһын тағы ла нығыта.
    Ҡунаҡтар алдында сығыш яһап, республика башлығы улар­ҙы иҡтисади күрһәткестәр менән таныштырҙы, инвестиция программаларының үтәлеше хаҡында һөйләне. Әйткәндәй, Башҡортостан менән Марокко араһында тауар әйләнеше былтыр, 2012 йылғы менән сағыштыр­ғанда, ете тапҡырға артып, 130 миллион долларға еткән. Беҙ артабан да был илдең эшҡыуарҙары менән төрлө юҫыҡтағы килешеүҙәр төҙөргә әҙер.

    авторы: admin | 26 мая 2014 | Фекерҙәр (0) | Тотош уҡырға
    Башкирский сабантуй - в Шамонино! Яңылыҡтар » Иғтибар

    31 май көнө Шамонино ауылы янында Йәштәр һабантуйы үткәреләсәк!
    Был һабантуй, Өфөлә һәм Өфө янындағы ауылдарҙа йәшәүсе башҡорттарҙы берләштереү, йәштәрҙе бер - береһе менән таныштырыу, тәбиғәт ҡосағында, үҙебеҙсә - башҡортса, йырлап - көлөп күңел асыу маҡсатынан үткәрелә. Сарала башҡорт эстрадаһының билдәле йондоҙҙары сығыш яһаясаҡ тип тә көтөлә.
    Дуҫтар, ситтә тороп ҡалмағыҙ !

    авторы: admin | 26 мая 2014 | Фекерҙәр (0) | Тотош уҡырға
    Ҡунаҡтарға башҡорт аш-һыуын тәмләтмәйенсә булмай Башҡортостан

    Башҡортостанда милли ресторан-кафелар ойоштороу буйынса эш башланды. Иң тәүҙә, әлбиттә, Өфөлә асыу күҙаллана. Хәҙер иһә, ҙур йыйын алдынан халҡыбыҙҙың ҡабатланмаҫ аш-һыу төрҙәрен туплаған туҡланыу урындарын асыу кәрәге тейҙе. Дөйөм алғанда, Өфөлә юғары кимәлдәге ун ресторан булдырыу күҙаллана, шуларҙың араһында мотлаҡ башҡорттоҡо ла асылыр.
    Әле Крупская урамында башҡорт милли кухняһы кафеһы асылған, яҡын арала тағы өсәүһе халыҡты ҡабул итә башлаясаҡ.
    БР Сауҙа һәм ҡулланыусыларҙың хоҡуҡтарын яҡлау буйынса дәүләт комитеты рәйесе урынбаҫары Гүзәл Аҫылова белдереүенсә, бөтә баш ҡала ресторандарынан үҙ менюларында милли аш-һыу битен булдырыуҙары һорала. Белгестәр төркөмө кәңәштәрҙең нисек үтәлеүен тикшереү мониторингын башлаған да инде.

    авторы: admin | 18 мая 2014 | Фекерҙәр (0) | Тотош уҡырға
    580-се бит|520-се бит|480-се бит|450-се бит|400-се бит|351-се бит|650-се бит|600-се бит|550-се бит
    |
    Эҙләү

      Баш бит |   Теркәлеү |   Мәғлүмәт |   Эҙләү |   Сайттағы яңылыҡтар |   Беҙҙең турала |   Бәйләнеш

    2007 Создание сайтов www.ak-ufa.ru | © Редакция газеты "Йәшлек"| Внимание! Новый сайт работает по адресу: www.ye02.ru